काठमाडौं । नेपाल वैदेशिक रोजगार व्यवसायी संघले वैदेशिक रोजगार क्षेत्रका विद्यमान समस्या समाधान तथा नीतिगत सुधारको माग गर्दै भदौ १ गतेदेखि श्रमिक उडान रोक्ने घोषणा गरेको छ। संघले सरकारसँग पटक–पटक छलफल र माग राख्दै आए पनि मुख्य विषयमा ठोस निर्णय हुन नसकेको भन्दै आन्दोलनलाई थप कडा बनाउने जनाएको हो।
संघका अनुसार साउन २२ गतेसम्म श्रम स्वीकृति प्राप्त गरेका श्रमिकलाई भदौ १ गतेसम्ममा गन्तव्य मुलुकतर्फ पठाइसक्नुपर्नेछ। त्यसपछि भने सरकारले व्यवसायीका माग सम्बोधन नगरेसम्म वैदेशिक रोजगारीका लागि श्रमिक उडान रोक्ने संघको भनाइ छ।
संघले करिब १५ दिनअघि व्यवसायीहरूको भेलामार्फत वैदेशिक रोजगार क्षेत्र सुधारका लागि १५ बुँदे माग अघि सार्दै आन्दोलनका कार्यक्रम सार्वजनिक गरेको थियो। सोही मागका आधारमा सरकारसँग निरन्तर संवाद र छलफल भइरहेको भए पनि केही विषयमा सकारात्मक संकेत देखिए पनि प्रमुख मागमा सरकार गम्भीर नदेखिएको संघको आरोप छ।
संघका पदाधिकारीका अनुसार सरकारले वैदेशिक रोजगार व्यवसायसँग सम्बन्धित ऐन संशोधनलगायत केही विषयमा सुधारका लागि सकारात्मक पहल गरेको छ। तर व्यवसायीहरूले लामो समयदेखि उठाउँदै आएको सेवा शुल्क परिमार्जन र श्रमिकको हवाई टिकटमा लाग्ने मूल्य अभिवृद्धि कर (भ्याट) छुट लगायतका विषयमा सरकारले ठोस निर्णय गर्न चासो नदेखाएको संघको भनाइ छ।
व्यवसायीहरूले अहिलेको सेवा शुल्क संरचनाबाट वैदेशिक रोजगार व्यवसाय सञ्चालन गर्न कठिन हुँदै गएको दाबी गर्दै आएका छन्। श्रमिक पठाउने क्रममा व्यवसायीमाथि पर्ने विभिन्न आर्थिक तथा प्रशासनिक दायित्व बढ्दै गएको अवस्थामा सरकारले तोकेको सेवा शुल्क यथार्थपरक नभएको उनीहरूको तर्क छ।
त्यस्तै, विदेश जाने श्रमिकको हवाई टिकटमा लाग्ने भ्याटसम्बन्धी व्यवस्थाले समेत श्रमिक र व्यवसायी दुवैमाथि आर्थिक भार थपिएको संघको दाबी छ। उक्त विषयमा सरकारले स्पष्ट र व्यावहारिक निर्णय लिनुपर्ने संघले माग गर्दै आएको छ।
संघले वैदेशिक रोजगार क्षेत्रलाई केवल श्रमिक विदेश पठाउने व्यवसायका रूपमा मात्र नभई देशको रोजगारी, विप्रेषण र अर्थतन्त्रसँग प्रत्यक्ष जोडिएको महत्वपूर्ण क्षेत्रका रूपमा हेर्न सरकारलाई आग्रह गरेको छ। ठूलो संख्यामा नेपाली युवा रोजगारीका लागि विदेश जाने भएकाले यस क्षेत्रमा देखिएका कानुनी, प्रशासनिक तथा आर्थिक समस्या समाधान गर्न ढिलाइ गर्न नहुने संघको भनाइ छ।
संघले नीतिगत सुधारबिना वैदेशिक रोजगार व्यवसायलाई व्यवस्थित, मर्यादित, सम्मानित, पारदर्शी र दिगो बनाउन नसकिने स्पष्ट पारेको छ। व्यवसायीका समस्या समाधान गर्नुको अर्थ व्यवसायीलाई मात्र सुविधा दिनु नभई वैदेशिक रोजगारीमा जाने श्रमिकको हित र सुरक्षालाई समेत बलियो बनाउनु भएको संघको तर्क छ।
संघले सरकारलाई आफूहरूको आन्दोलनलाई व्यवसायीको स्वार्थसँग मात्र जोडेर नहेर्न आग्रह गर्दै वैदेशिक रोजगार क्षेत्रका समस्या समाधानका लागि आवश्यक सहकार्य गर्न तयार रहेको जनाएको छ। नीतिगत सुधारका लागि सरकारलाई आवश्यक सहयोग गर्न व्यवसायीहरू तयार भए पनि माग सम्बोधन नभए आन्दोलनका कार्यक्रमलाई निरन्तरता दिने चेतावनी संघले दिएको छ।
संघले सरकारसँग वार्ता र संवादको बाटो खुला नै रहेको जनाएको छ। तर सेवा शुल्क परिमार्जन, हवाई टिकटमा भ्याट छुट तथा अन्य नीतिगत विषयमा स्पष्ट निर्णय नभएसम्म भदौ १ गतेदेखि श्रमिक उडान रोक्ने निर्णयबाट पछि नहट्ने संकेत संघले दिएको छ।
यस निर्णयले वैदेशिक रोजगारीका लागि तयारी गरिरहेका श्रमिक, रोजगारदाता कम्पनी तथा म्यानपावर व्यवसायमा प्रत्यक्ष प्रभाव पार्न सक्ने देखिएको छ। त्यसैले आन्दोलनले समस्या थप जटिल बन्न नदिन सरकारले व्यवसायीसँग तत्काल संवाद गरी समाधान खोज्नुपर्ने आवश्यकता देखिएको छ।
मा प्रकाशित
यसमा तपाइको मत
समाचार बाट अन्य
काठमाडौं । रौतहट सुनचाँदी व्यवसायी संघका अध्यक्ष तथा युवा सुनचाँदी व्यवसायी अरुणराज सोनीले काठमाडौंको चाबहिलमा ‘भगवती ज्वेलर्स’ सञ्चालनमा ल्याएका छन्। चाबहिल–७, बौद्ध जाने मुख्य सडकमा सञ्चालनमा आएको ज्वेलर्सले ग्राहकलाई गुणस्तरीय सुनचाँदीका गरगहना उपलब्ध गराउने...
काठमाडौं । हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थान आसपास रहेकाले देशका अधिकांश भूभागमा बदली र वर्षा भइरहेको मौसम पूर्वानुमान महाशाखाले जनाएको छ। आज दिउँसो देशभर सामान्यतया बदली रहनेछ।...
काठमाडाैं । वर्षाका कारण देशका विभिन्न स्थानमा सडक अवरुद्ध हुनुका साथै केही सडकखण्डमा राति सवारीसाधन सञ्चालन गर्न रोक लगाइएको छ । प्रहरी प्रधानकार्यालयले जारी गरेको आज बिहान ०६ः०० बजेसम्मको विवरण अनुसार काभ्रेपलाञ्चोक, सिन्धुपाल्चोक, रसुवा, रुकुम...
काठमाडौं । खाद्य व्यवस्था तथा व्यापार कम्पनी लिमिटेडको सातौँ वार्षिकोत्सव समारोह विभिन्न कार्यक्रमसहित सम्पन्न भएको छ। कम्पनीको वार्षिकोत्सव समारोहमा उद्योग, वाणिज्य तथा आपूर्ति मन्त्री गौरीकुमारी यादव प्रमुख अतिथिका रूपमा सहभागी हुनुभएको थियो। समारोहमा कम्पनीको विगतको...
सुनसरीको देवानगञ्ज घटनाका पीडितलाई न्याय माग्दै अभियन्ता विनय यादव माइतीघरमा आमरण अनशनमा हुनुहुन्छ। उहाँको सत्याग्रह आज आठौँ दिनमा प्रवेश गरे पनि सरकारी पक्षबाट वार्ताको पहल भएको छैन।राष्ट्रियता, सुशासन र नागरिक अधिकारका क्षेत्रमा सक्रिय यादवको...
काठमाडौं । नेपाल एसोसिएसन अफ टुर एन्ड ट्राभल एजेन्ट्स (नाट्टा) को आगामी निर्वाचन नजिकिँदै जाँदा चुनावी माहोल थप रोचक बन्दै गएको छ। यसबीच वर्तमान महासचिव युबिका भण्डारी ले अध्यक्ष पदमा उम्मेदवारी घोषणा गर्दै नाट्टालाई...
काठमाडौं । नेपालमा कृत्रिम बुद्धिमत्ता (एआई) र सूचना प्रविधिमा दक्ष जनशक्ति उत्पादन गर्ने उद्देश्यका साथ लर्डबुद्ध एजुकेशन फाउण्डेशनले ‘एमबीए इन एआई’ र ‘डिजिटल लिडरसिप’ नामक दुई नयाँ शैक्षिक कार्यक्रम सञ्चालनमा ल्याएको छ। एसिया प्यासिफिक युनिभर्सिटी...
काठमाडौं । नेपाल वन प्राविधिक सङ्घले “स्मार्ट वन व्यवस्थापनका लागि डिजिटल उपकरण: नेपालमा सफ्टवेयर नवप्रवर्तनमार्फत वन व्यवस्थापनसम्बन्धी निर्णय प्रक्रियालाई प्रभावकारी बनाउने” विषयमा प्राविधिक प्रस्तुति कार्यक्रम सम्पन्न गरेको छ। कार्यक्रम बुधबार बबरमहलस्थित सङ्घको सभाहलमा सम्पन्न...
काठमाडौं । नेपाल राष्ट्रिय शिक्षक संगठनले सरकारले नेपाल शिक्षक महासङ्घको विधानमा हस्तक्षेप गर्न खोजे त्यसको कडा प्रतिवाद गर्ने चेतावनी दिएको छ। संगठनले महासङ्घको स्वायत्तता, एकता र संस्थागत मर्मलाई कमजोर पार्ने कुनै पनि प्रयास स्वीकार्य...
काठमाडौं । सङ्घीय संसद् राष्ट्रियसभाको बैठक आज बस्दैछ । आज दिउँसो १:१५ बस्ने बैठकमा प्रधानमन्त्री वालेन्द्र शाहले ‘मधेसी आयोगको आर्थिक वर्ष, २०८१/८२ को वार्षिक प्रतिवेदन’ सभासमक्ष पेस गर्ने कार्यसूची छ । यस्तै, बैठकमा विकास आर्थिक...
