काठमाडौं । स्वतन्त्र ऊर्जा उत्पादकहरूको संस्था नेपाल (इप्पान) को नयाँ नेतृत्व चयनको मिति नजिकिँदै जाँदा चुनावी माहोल थप तातिएको छ। आगामी जेठ २९ गते हुने साधारण सभालाई लक्षित गर्दै वर्तमान उपाध्यक्ष उत्तम लामा भ्लोनले आफ्नो प्यानलसहित उम्मेदवारी घोषणा गरेका छन्। उनले आगामी तीन वर्षका लागि ‘इप्पान भिजन २०२९’ सार्वजनिक गर्दै ऊर्जा क्षेत्रको रूपान्तरणका लागि महत्वाकांक्षी योजना अघि सारेका छन्।
इप्पानको विधानअनुसार वरिष्ठ उपाध्यक्ष अर्को कार्यकालमा स्वतः अध्यक्ष बन्ने व्यवस्था रहेकाले भ्लोनले वरिष्ठ उपाध्यक्ष पदमा उम्मेदवारी दिएका हुन्। राजधानीमा आयोजित विशेष कार्यक्रममा उनले आफ्नो नेतृत्वमा रहने टिम सार्वजनिक गर्दै निजी ऊर्जा क्षेत्रका चुनौती समाधान गर्ने प्रतिबद्धता व्यक्त गरे।
भ्लोनको प्यानलमा उपाध्यक्ष पदका लागि उत्तरकुमार श्रेष्ठ, हिम पाठक, सुसन कर्माचार्य र विक्रम विष्ट रहेका छन्। महासचिवमा टीएन आचार्य, उपमहासचिवमा कविता कँडेल तथा कोषाध्यक्षमा नरेन्द्र बल्लभ पन्तलाई उम्मेदवार बनाइएको छ। सचिव पदमा विजयमोहन भट्टराई, कुवेरमणि नेपाल, सुमन जोशी, शङ्कर बस्याल र अविज्ञा मल्ल छन् भने सदस्य पदका लागि अनुप आचार्य, जगतबहादुर पोखरेल, कदम केसी, वर्णन लामिछाने, इसा श्रेष्ठ र प्रतिमा ज्ञवाली प्रतिस्पर्धामा उत्रिएका छन्।
‘भिजन २०२९’ सार्वजनिक गर्दै भ्लोनले नेपाललाई ऊर्जा क्षेत्रमा आत्मनिर्भर मात्र होइन, आर्थिक समृद्धिको मुख्य आधारका रूपमा स्थापित गर्ने लक्ष्य प्रस्तुत गरे। सरकारले आगामी १० वर्षभित्र ३० हजार मेगावाट विद्युत् उत्पादन गर्ने लक्ष्य राखेको उल्लेख गर्दै उनले यो लक्ष्य हासिल गर्न ५० खर्ब रुपैयाँभन्दा बढी लगानी आवश्यक पर्ने र त्यसमा निजी क्षेत्रको भूमिका निर्णायक रहने बताए।
उनले हाल विभिन्न कारणले रोकिएका १२ हजार मेगावाटभन्दा बढी क्षमताका जलविद्युत् आयोजनाहरूको विद्युत् खरिद सम्झौता (पीपीए) खुलाउन विशेष पहल गर्ने प्रतिबद्धता व्यक्त गरे। साथै प्रसारण लाइन अभावका कारण उत्पादन हुन नसकेको विद्युत्को व्यवस्थापनलाई पनि आफ्नो प्राथमिकतामा राखेका छन्।
ऊर्जा क्षेत्रको विकासमा नीतिगत अवरोध प्रमुख चुनौतीका रूपमा रहेको उल्लेख गर्दै भ्लोनले जलविद्युत् आयोजनाको अनुमतिपत्र अवधि हालको ३५ वर्षबाट बढाएर ५० वर्ष पुर्याउनुपर्ने धारणा राखे। उनले ऊर्जा परियोजनाका लागि ७ प्रतिशतभन्दा कम ब्याजदरमा सहुलियतपूर्ण कर्जा उपलब्ध गराउनुपर्ने, वन, वातावरण तथा प्रशासनिक स्वीकृतिमा हुने ढिलाइ हटाउन ‘एकद्वार प्रणाली’ लागू गर्नुपर्ने माग पनि अघि सारे।
भ्लोनका अनुसार नेपालको कुल विद्युत् उत्पादनमा निजी क्षेत्रको योगदान ८० प्रतिशतभन्दा बढी भए पनि पीपीए, प्रसारण लाइन र नीतिगत अस्पष्टताजस्ता समस्याले ऊर्जा क्षेत्रको सम्भावना पूर्ण रूपमा उपयोग हुन सकेको छैन। “यी चुनौती समाधान नगरी ऊर्जा क्षेत्रको तीव्र विकास सम्भव छैन,” उनले कार्यक्रममा भने।
उनले नेपाललाई दक्षिण एसियाकै ऊर्जा केन्द्रका रूपमा विकास गर्ने दीर्घकालीन लक्ष्य प्रस्तुत गर्दै भारत र बंगलादेशसँग विद्युत् निर्यात विस्तारका लागि कूटनीतिक तथा व्यावसायिक पहललाई तीव्र बनाउने योजना पनि सार्वजनिक गरे।
इप्पानको आगामी निर्वाचनलाई ऊर्जा क्षेत्रको भावी दिशा निर्धारण गर्ने अवसरका रूपमा हेरिएको छ। यस्तो अवस्थामा भ्लोन नेतृत्वको ‘भिजन २०२९’ ले निजी क्षेत्रका ऊर्जा उत्पादकबीच नयाँ बहस र अपेक्षा जन्माएको छ।
मा प्रकाशित
यसमा तपाइको मत
समाचार बाट अन्य
काठमाडौं । रौतहट सुनचाँदी व्यवसायी संघका अध्यक्ष तथा युवा सुनचाँदी व्यवसायी अरुणराज सोनीले काठमाडौंको चाबहिलमा ‘भगवती ज्वेलर्स’ सञ्चालनमा ल्याएका छन्। चाबहिल–७, बौद्ध जाने मुख्य सडकमा सञ्चालनमा आएको ज्वेलर्सले ग्राहकलाई गुणस्तरीय सुनचाँदीका गरगहना उपलब्ध गराउने...
काठमाडौं । हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थान आसपास रहेकाले देशका अधिकांश भूभागमा बदली र वर्षा भइरहेको मौसम पूर्वानुमान महाशाखाले जनाएको छ। आज दिउँसो देशभर सामान्यतया बदली रहनेछ।...
काठमाडाैं । वर्षाका कारण देशका विभिन्न स्थानमा सडक अवरुद्ध हुनुका साथै केही सडकखण्डमा राति सवारीसाधन सञ्चालन गर्न रोक लगाइएको छ । प्रहरी प्रधानकार्यालयले जारी गरेको आज बिहान ०६ः०० बजेसम्मको विवरण अनुसार काभ्रेपलाञ्चोक, सिन्धुपाल्चोक, रसुवा, रुकुम...
काठमाडौं । खाद्य व्यवस्था तथा व्यापार कम्पनी लिमिटेडको सातौँ वार्षिकोत्सव समारोह विभिन्न कार्यक्रमसहित सम्पन्न भएको छ। कम्पनीको वार्षिकोत्सव समारोहमा उद्योग, वाणिज्य तथा आपूर्ति मन्त्री गौरीकुमारी यादव प्रमुख अतिथिका रूपमा सहभागी हुनुभएको थियो। समारोहमा कम्पनीको विगतको...
काठमाडौं । नेपाल वैदेशिक रोजगार व्यवसायी संघले वैदेशिक रोजगार क्षेत्रका विद्यमान समस्या समाधान तथा नीतिगत सुधारको माग गर्दै भदौ १ गतेदेखि श्रमिक उडान रोक्ने घोषणा गरेको छ। संघले सरकारसँग पटक–पटक छलफल र माग राख्दै...
सुनसरीको देवानगञ्ज घटनाका पीडितलाई न्याय माग्दै अभियन्ता विनय यादव माइतीघरमा आमरण अनशनमा हुनुहुन्छ। उहाँको सत्याग्रह आज आठौँ दिनमा प्रवेश गरे पनि सरकारी पक्षबाट वार्ताको पहल भएको छैन।राष्ट्रियता, सुशासन र नागरिक अधिकारका क्षेत्रमा सक्रिय यादवको...
काठमाडौं । नेपाल एसोसिएसन अफ टुर एन्ड ट्राभल एजेन्ट्स (नाट्टा) को आगामी निर्वाचन नजिकिँदै जाँदा चुनावी माहोल थप रोचक बन्दै गएको छ। यसबीच वर्तमान महासचिव युबिका भण्डारी ले अध्यक्ष पदमा उम्मेदवारी घोषणा गर्दै नाट्टालाई...
काठमाडौं । नेपालमा कृत्रिम बुद्धिमत्ता (एआई) र सूचना प्रविधिमा दक्ष जनशक्ति उत्पादन गर्ने उद्देश्यका साथ लर्डबुद्ध एजुकेशन फाउण्डेशनले ‘एमबीए इन एआई’ र ‘डिजिटल लिडरसिप’ नामक दुई नयाँ शैक्षिक कार्यक्रम सञ्चालनमा ल्याएको छ। एसिया प्यासिफिक युनिभर्सिटी...
काठमाडौं । नेपाल वन प्राविधिक सङ्घले “स्मार्ट वन व्यवस्थापनका लागि डिजिटल उपकरण: नेपालमा सफ्टवेयर नवप्रवर्तनमार्फत वन व्यवस्थापनसम्बन्धी निर्णय प्रक्रियालाई प्रभावकारी बनाउने” विषयमा प्राविधिक प्रस्तुति कार्यक्रम सम्पन्न गरेको छ। कार्यक्रम बुधबार बबरमहलस्थित सङ्घको सभाहलमा सम्पन्न...
काठमाडौं । नेपाल राष्ट्रिय शिक्षक संगठनले सरकारले नेपाल शिक्षक महासङ्घको विधानमा हस्तक्षेप गर्न खोजे त्यसको कडा प्रतिवाद गर्ने चेतावनी दिएको छ। संगठनले महासङ्घको स्वायत्तता, एकता र संस्थागत मर्मलाई कमजोर पार्ने कुनै पनि प्रयास स्वीकार्य...
