काठमाडौं । भोजपुरमा निर्माणाधीन १४.१५ मेगावाट क्षमताको लोअर इर्खुवा जलविद्युत् आयोजनाको प्रवर्द्धक कम्पनी लोअर इर्खुवा हाइड्रोपावर कम्पनी लिमिटेडले सर्वसाधारणका लागि प्रारम्भिक सार्वजनिक निष्कासन (आईपीओ) जारी गर्ने बाटो खुला गरेको छ। कम्पनीको सातौँ वार्षिक साधारणसभाले आईपीओ निष्कासनसम्बन्धी प्रस्ताव अनुमोदन गरेसँगै कम्पनीले सार्वजनिक लगानी आकर्षित गर्ने तयारीलाई औपचारिकता दिएको हो।
कम्पनीका अध्यक्ष कुमार पाण्डेको सभापतित्वमा जेठ २९ गते काठमाडौंमा सम्पन्न साधारणसभाले आर्थिक वर्ष २०८१/८२ को वार्षिक प्रतिवेदन, लेखापरीक्षकको प्रतिवेदन, वासलात, नाफा–नोक्सान हिसाब तथा नगद प्रवाह विवरणमाथि छलफल गरी अनुमोदन गरेको छ। सभाले आगामी आर्थिक वर्ष २०८२/८३ का लागि लेखापरीक्षक नियुक्ति गर्ने तथा सञ्चालकहरूको बैठक भत्तासम्बन्धी प्रस्तावसमेत पारित गरेको कम्पनीले जनाएको छ।
साधारणसभाको केन्द्रबिन्दु बनेको आईपीओ निष्कासन प्रस्ताव स्वीकृत भएसँगै कम्पनीले पूँजी संरचना विस्तार गर्ने र आयोजना विकासका लागि थप वित्तीय स्रोत परिचालन गर्ने योजना अघि बढाएको छ। कम्पनीका अनुसार दीर्घकालीन रणनीतिअनुसार जलविद्युत् क्षेत्रमा थप लगानी विस्तार र संस्थागत क्षमता सुदृढीकरणका लागि सार्वजनिक सेयर निष्कासन महत्वपूर्ण कदम हुनेछ।
त्यसैगरी, सभाले पारित गरेका निर्णयहरूको कार्यान्वयनका लागि सञ्चालक समितिलाई आवश्यक अधिकार प्रदान गरेको छ। कम्पनीको प्रबन्धपत्र (एमओए) तथा नियमावली (एओए) संशोधन गर्ने प्रस्तावसमेत सभाबाट स्वीकृत भएको छ। संशोधित व्यवस्थाले बदलिँदो व्यावसायिक आवश्यकता र नियामकीय प्रावधानअनुसार कम्पनीको संस्थागत सुशासनलाई अझ प्रभावकारी बनाउने अपेक्षा गरिएको छ।
भोजपुर जिल्लामा निर्माणाधीन लोअर इर्खुवा जलविद्युत् आयोजनालाई कम्पनीले निर्धारित समयमै सम्पन्न गर्ने लक्ष्य राखेको छ। नवीकरणीय ऊर्जाको उत्पादन वृद्धि गर्दै देशको ऊर्जा आत्मनिर्भरता र दिगो आर्थिक विकासमा योगदान पुर्याउने उद्देश्यसहित आयोजना निर्माण भइरहेको कम्पनीले जनाएको छ।
सभामा सहभागी पदाधिकारीहरूले साधारणसभाबाट पारित निर्णयहरूले आयोजना निर्माणको गति बढाउनुका साथै वित्तीय व्यवस्थापनलाई थप सुदृढ बनाउने विश्वास व्यक्त गरेका थिए। उनीहरूले लगानीकर्ताको भरोसा अभिवृद्धि गर्दै आयोजना सफलतापूर्वक सम्पन्न गरी राष्ट्रिय विद्युत् प्रणालीमा योगदान पुर्याउने प्रतिबद्धता समेत दोहोर्याएका छन्।
मा प्रकाशित
यसमा तपाइको मत
समाचार बाट अन्य
काठमाडौं । रौतहट सुनचाँदी व्यवसायी संघका अध्यक्ष तथा युवा सुनचाँदी व्यवसायी अरुणराज सोनीले काठमाडौंको चाबहिलमा ‘भगवती ज्वेलर्स’ सञ्चालनमा ल्याएका छन्। चाबहिल–७, बौद्ध जाने मुख्य सडकमा सञ्चालनमा आएको ज्वेलर्सले ग्राहकलाई गुणस्तरीय सुनचाँदीका गरगहना उपलब्ध गराउने...
काठमाडौं । हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थान आसपास रहेकाले देशका अधिकांश भूभागमा बदली र वर्षा भइरहेको मौसम पूर्वानुमान महाशाखाले जनाएको छ। आज दिउँसो देशभर सामान्यतया बदली रहनेछ।...
काठमाडाैं । वर्षाका कारण देशका विभिन्न स्थानमा सडक अवरुद्ध हुनुका साथै केही सडकखण्डमा राति सवारीसाधन सञ्चालन गर्न रोक लगाइएको छ । प्रहरी प्रधानकार्यालयले जारी गरेको आज बिहान ०६ः०० बजेसम्मको विवरण अनुसार काभ्रेपलाञ्चोक, सिन्धुपाल्चोक, रसुवा, रुकुम...
काठमाडौं । खाद्य व्यवस्था तथा व्यापार कम्पनी लिमिटेडको सातौँ वार्षिकोत्सव समारोह विभिन्न कार्यक्रमसहित सम्पन्न भएको छ। कम्पनीको वार्षिकोत्सव समारोहमा उद्योग, वाणिज्य तथा आपूर्ति मन्त्री गौरीकुमारी यादव प्रमुख अतिथिका रूपमा सहभागी हुनुभएको थियो। समारोहमा कम्पनीको विगतको...
काठमाडौं । नेपाल वैदेशिक रोजगार व्यवसायी संघले वैदेशिक रोजगार क्षेत्रका विद्यमान समस्या समाधान तथा नीतिगत सुधारको माग गर्दै भदौ १ गतेदेखि श्रमिक उडान रोक्ने घोषणा गरेको छ। संघले सरकारसँग पटक–पटक छलफल र माग राख्दै...
सुनसरीको देवानगञ्ज घटनाका पीडितलाई न्याय माग्दै अभियन्ता विनय यादव माइतीघरमा आमरण अनशनमा हुनुहुन्छ। उहाँको सत्याग्रह आज आठौँ दिनमा प्रवेश गरे पनि सरकारी पक्षबाट वार्ताको पहल भएको छैन।राष्ट्रियता, सुशासन र नागरिक अधिकारका क्षेत्रमा सक्रिय यादवको...
काठमाडौं । नेपाल एसोसिएसन अफ टुर एन्ड ट्राभल एजेन्ट्स (नाट्टा) को आगामी निर्वाचन नजिकिँदै जाँदा चुनावी माहोल थप रोचक बन्दै गएको छ। यसबीच वर्तमान महासचिव युबिका भण्डारी ले अध्यक्ष पदमा उम्मेदवारी घोषणा गर्दै नाट्टालाई...
काठमाडौं । नेपालमा कृत्रिम बुद्धिमत्ता (एआई) र सूचना प्रविधिमा दक्ष जनशक्ति उत्पादन गर्ने उद्देश्यका साथ लर्डबुद्ध एजुकेशन फाउण्डेशनले ‘एमबीए इन एआई’ र ‘डिजिटल लिडरसिप’ नामक दुई नयाँ शैक्षिक कार्यक्रम सञ्चालनमा ल्याएको छ। एसिया प्यासिफिक युनिभर्सिटी...
काठमाडौं । नेपाल वन प्राविधिक सङ्घले “स्मार्ट वन व्यवस्थापनका लागि डिजिटल उपकरण: नेपालमा सफ्टवेयर नवप्रवर्तनमार्फत वन व्यवस्थापनसम्बन्धी निर्णय प्रक्रियालाई प्रभावकारी बनाउने” विषयमा प्राविधिक प्रस्तुति कार्यक्रम सम्पन्न गरेको छ। कार्यक्रम बुधबार बबरमहलस्थित सङ्घको सभाहलमा सम्पन्न...
काठमाडौं । नेपाल राष्ट्रिय शिक्षक संगठनले सरकारले नेपाल शिक्षक महासङ्घको विधानमा हस्तक्षेप गर्न खोजे त्यसको कडा प्रतिवाद गर्ने चेतावनी दिएको छ। संगठनले महासङ्घको स्वायत्तता, एकता र संस्थागत मर्मलाई कमजोर पार्ने कुनै पनि प्रयास स्वीकार्य...
