काठमाडौं । १३.५ मेगावाट क्षमताको सुपर काबेली खोला–ए जलविद्युत आयोजना सञ्चालन गर्दै आएको स्नो रिभर्स लिमिटेडले शेयरधनीलाई १० प्रतिशत बोनस शेयर वितरण गर्ने प्रस्ताव अघि सारेको छ। कम्पनीको पाँचौँ वार्षिक साधारण सभा काठमाडौंको नक्सालस्थित लिसारा रिसेप्सन्समा शेयरधनीको उल्लेख्य सहभागिताबीच सम्पन्न भएको हो।
सभामा सञ्चालक समितिका अध्यक्ष मोहन विक्रम कार्कीले प्रस्तुत गरेको वार्षिक प्रतिवेदनअनुसार कम्पनीले चुक्ता पूँजी ९३ करोड ७५ लाख रुपैयाँको १० प्रतिशत बराबर ९ करोड ३७ लाख ५० हजार रुपैयाँ मूल्यका ९ लाख ३७ हजार ५०० कित्ता बोनस शेयर वितरण गर्ने प्रस्ताव गरेको छ। त्यसैगरी बोनस शेयरको कर प्रयोजनका लागि ४९ लाख २६ हजार ३१६ रुपैयाँ नगद लाभांश दिने प्रस्ताव पनि सभामा पेश गरिएको छ।
कम्पनीले आर्थिक वर्ष २०८२/८३ मा अघिल्लो आर्थिक वर्षको तुलनामा वित्तीय अवस्थामा उल्लेख्य सुधार गरेको जनाएको छ। समीक्षा अवधिमा कम्पनीको शेयर पूँजी ७५ करोड रुपैयाँबाट बढेर ९३ करोड ७५ लाख रुपैयाँ पुगेको छ भने जगेडा कोषसमेत ३ करोड ७९ लाख रुपैयाँबाट बढेर १० करोड ६८ लाख ११ हजार २६५ रुपैयाँ पुगेको छ।
त्यस्तै, कम्पनीको स्थिर सम्पत्ति २ अर्ब ७७ करोड २९ लाख ४० हजार १८५ रुपैयाँ पुगेको छ। कुल चालु सम्पत्ति २३ करोड ५८ लाख ५५ हजार ४८२ रुपैयाँ रहेको कम्पनीले जनाएको छ। आयोजनामा गरिएको लगानीसँगै कम्पनीको दीर्घकालीन तथा मध्यम अवधिको ऋण १ अर्ब ८२ करोड १८ लाख ३७ हजार ५१४ रुपैयाँ रहेको छ।
स्नो रिभर्सको मुख्य आयोजना ताप्लेजुङको सिरिजङ्गा गाउँपालिकामा अवस्थित छ। नेपाल विद्युत प्राधिकरणसँग भएको विद्युत खरिद बिक्री सम्झौता (पीपीए) बमोजिम आयोजना सञ्चालनमा रहे पनि प्रसारण प्रणालीको समस्याले अपेक्षित क्षमतामा विद्युत उत्पादन गर्न चुनौती देखिएको कम्पनीले जनाएको छ। आर्थिक वर्ष २०८२/८३ मा आयोजनाले पीपीएमा तोकिएको कुल वार्षिक ऊर्जाको ८८.२० प्रतिशत विद्युत उत्पादन गरेको थियो।
कम्पनीका अनुसार अमरपुर सबस्टेशनमा देखिएको ओभरलोड तथा प्रसारणसम्बन्धी असहजताका कारण केही महिनामा आयोजनाबाट पूर्ण क्षमतामा विद्युत उत्पादन हुन सकेन। आगामी दिनमा उत्पादन क्षमता बढाएर पीपीएमा उल्लेखित वार्षिक ऊर्जाको शतप्रतिशत उत्पादन गर्ने कम्पनीको लक्ष्य छ।
यसका लागि नेपाल विद्युत प्राधिकरण तथा अन्य स्वतन्त्र ऊर्जा उत्पादकहरूसँग समन्वय गरी प्रसारण लाइनमा देखिएको लाइन कन्जेसनको समस्या समाधान गर्ने रणनीति कम्पनीले अघि सारेको छ। आयोजनाको दीर्घकालीन सुरक्षालाई समेत प्राथमिकतामा राख्दै फ्लड मोनिटरिङ सिस्टमलाई थप प्रभावकारी बनाउने, पावरहाउस, टनेल तथा ट्रान्सफर्मर क्षेत्रमा सुरक्षा परीक्षण गराउने र त्यसका आधारमा ‘सेफ्टी एक्सन प्लान’ कार्यान्वयन गर्ने योजना कम्पनीको छ।
त्यसैगरी आयोजनामा प्रयोग भएका प्रमुख मेसिनरीको नियमित सुपरिवेक्षण, रिभर्स इन्जिनियरिङ तथा आपतकालीन मर्मतसम्भारको व्यवस्था मिलाउने कम्पनीले जनाएको छ। जलविद्युत आयोजनाको सञ्चालनमा प्राकृतिक जोखिम, प्रसारण अवरोध तथा उपकरणको प्राविधिक अवस्थाले प्रत्यक्ष प्रभाव पार्ने भएकाले जोखिम व्यवस्थापनलाई कम्पनीले आगामी कार्ययोजनाको महत्वपूर्ण हिस्सा बनाएको छ।
साधारण सभाले कम्पनीको नियमावलीमा आवश्यक संशोधन गर्दै स्वतन्त्र सञ्चालकको कार्यकाल चार वर्ष कायम गर्ने निर्णयसमेत गरेको छ। सभाबाट प्रकाश श्रेष्ठलाई स्वतन्त्र सञ्चालकमा नियुक्त गरिएको छ भने उत्तम पौडेललाई बाँकी कार्यकालका लागि सञ्चालक समितिमा नियुक्त गरिएको छ।
नयाँ संरचनाअनुसार कम्पनीको सञ्चालक समितिमा मोहन विक्रम कार्की अध्यक्ष, उत्तम पौडेल, दिपा राना मगर र स्वतन्त्र सञ्चालक प्रकाश श्रेष्ठ रहेका छन्।
कम्पनीले व्यवसायिक विस्तारसँगै आयोजना प्रभावित क्षेत्रको सामाजिक विकासलाई समेत प्राथमिकता दिएको जनाएको छ। संस्थागत सामाजिक उत्तरदायित्वअन्तर्गत आयोजना प्रभावित क्षेत्रमा सडक तथा बाटोघाटो निर्माण तथा सुधार, पुल मर्मत, विद्यालय सुधार, सिँचाइ कुलो व्यवस्थापन र वृक्षारोपणलगायतका कार्यक्रम सञ्चालन गर्दै आएको कम्पनीले जनाएको छ।
आर्थिक अवस्थामा सुधारसँगै बोनस शेयर वितरणको प्रस्ताव, विद्युत उत्पादन बढाउने योजना र प्रसारण तथा सुरक्षा व्यवस्थापनमा सुधार गर्ने रणनीतिले स्नो रिभर्सले आगामी दिनमा आयोजना सञ्चालनलाई थप प्रभावकारी बनाउने लक्ष्य लिएको देखिन्छ।
मा प्रकाशित
यसमा तपाइको मत
समाचार बाट अन्य
काठमाडौ । नेपाली कांग्रेसले दूरदर्शी निर्णय गरेको छ । कांग्रेसको काठमाडौमा जारी १५ औ महाधिवेशनले विधान संशोधन गर्दै अपांगता भएका र अल्पसंख्यकलाई सह महामन्त्री बनाएको छ । यो समुहमा चार जनाको उम्मेदवारी परेको छ,...
काठमाडौं । नेपाली कांग्रेसको १५औँ महाधिवेशनअन्तर्गत आज पनि बन्दसत्र चल्नेछ । सोमबारबाट सुरु भएको बन्दसत्रमा चारवटा प्रतिवेदन पेस भएका छन् । बन्दसत्रमा सभापति गगनकुमार थापाले राजनीतिक प्रतिवेदन पेस गरेका छन् । उपसभापति विश्वप्रकाश शर्माले समसामयिक...
काठमाडौं । जोइन बचत तथा ऋण सहकारी संस्था लिमिटेडको १६औँ वार्षिक साधारणसभा असोज १७ गते शनिवार काठमाडौंमा सम्पन्न भएको छ। संस्थाका अध्यक्ष बाबुलाल श्रेष्ठको सभापतित्वमा सम्पन्न कार्यक्रममा प्रस्तुत नीति तथा कार्यक्रम सर्वसम्मतीले पारित हुनुका...
काठमाडौं । चःमति बहुउद्देश्यीय सहकारी संस्था लिमिटेडको २०औँ वार्षिक साधारण सभा २०८३ असोज १७ गते सम्पन्न भएको छ। संस्थाको आर्थिक वर्ष २०८२/०८३ को वार्षिक समीक्षा, आर्थिक तथा प्रगति प्रतिवेदनमाथि छलफल, आगामी कार्यदिशा तय तथा...
काठमाडौँ । कालिञ्चोक दर्शन लिमिटेडको १२ औं वार्षिक साधारण सभा अशोज १६ गते सम्पन्न भएको छ । कालिञ्चोक दर्शन लिमिटेडले आफ्ना सेयरधनीहरूका लागि आर्थिक वर्ष २०८२/०८३ को आम्दानीबाट ८.५ प्रतिशत बोनस सेयर वितरण गर्ने...
काठमाडौँ । नेपाली कांग्रेसको १५औँ महाधिवेशनमा अमेरिका, क्यानडा, अष्ट्रेलिया तथा न्युजिल्यान्ड क्षेत्रबाट केन्द्रीय सदस्य पदमा रामजीवी पन्थले उम्मेदवारी घोषणा गरेका छन् । पन्थले आफ्नो उम्मेदवारीलाई व्यक्तिगत आकांक्षाभन्दा पनि प्रवासमा रहेका नेपालीको आवाज कांग्रेसको नीति...
काठमाडौं । नेपाली कांग्रेसका पूर्वसभापति शेरबहादुर देउवा समूहको वडा अधिवेशन आजदेखि सुरु हुँदै छ । विशेष महाधिवेशनबाट सभापति बनेका गगन थापाको नेतृत्वलाई अस्वीकार गर्दै देउवा समूहले बेग्लै अधिवेशन सुरु गर्न लागेको हो । देउवा समूहको...
काठमाडौं । नेपाल समाजवादी कांग्रेसका अध्यक्ष गोविन्द निरौलाले नेपाली कांग्रेसको आगामी नेतृत्वका लागि गगन थापाभन्दा किशोर सिंह राठोर उपयुक्त उम्मेदवार हुनसक्ने बताएका छन्। कांग्रेसको १५औँ महाधिवेशन नजिकिँदै गर्दा नेतृत्वका विषयमा पार्टीभित्र बहस तीव्र भइरहेका...
काठमाडौं । नेपाली कांग्रेसको १५औँ महाधिवेशनअन्तर्गत काठमाडौं क्षेत्र नं १० बाट केन्द्रीय महाधिवेशनमा प्रतिनिधित्व गर्ने २९ जना महाधिवेशन प्रतिनिधिको टुंगो निर्वाचनमार्फत लागेको छ। मंगलबार सम्पन्न निर्वाचनको अन्तिम मतपरिणामअनुसार क्षेत्रबाट विभिन्न क्लस्टरमा उम्मेदवारी दिएका प्रतिनिधिहरूमध्ये...
काठमाडौं । अनलाइन सपिङ गन्तव्य दराज नेपालले बडादशैँका अवसरमा बहुप्रतीक्षित ‘१०.१० दशैँ धमाकाः बडादशैँ, धमाकेदार डिल्स सार्वजनिक गरेको छ । अक्टोबर १ को राती ८ बजेदेखि अक्टोबर १२ सम्म सञ्चालन हुने मेलामा विभिन्न श्रेणीका...
